Қазақстанда ет бағасының қымбаттау себебі айтылды
Бұл туралы Сауда және интеграция вице-министрі Жанель Кушукова мәлімдеді.
Фото: canvaВице-министр Мәжіліс кулуарында елде ет бағасының жоғары болуына бірнеше фактор әсер еткенін айтты, деп жазады inbusiness.kz сайты.
Оның сөзінше, нарыққа айтарлықтай ықпал етіп отырған негізгі факторлардың бірі – көршілес Өзбекстандағы сұраныстың күрт артуы.
Бұған дейін әртүрлі себептермен ол елде ет тұтыну деңгейі төмен болған, ал қазір сұраныс едәуір өскен.
"Географиялық орналасу жағдайына байланысты Өзбекстан Қазақстан секілді көлемде мал өсіре алмайды. Соның салдарынан ол жақта ет бағасы қымбаттап отыр, ал ең жақын әрі қолжетімді жеткізуші – Қазақстан. Бұл өзбек тарапының қазақстандық өнімді белсенді түрде сатып алуына әкелді", – деп айтты Жанель Кушукова.
