Кәсіп иелерін толғандырған сұрақтарға жауап берілді
Бүгін аудандық партия филиалының Қоғамдық қабылдау бөлмесінің жұмыс жоспарына сәйкес Қазалы ауданы бойынша Мемлекеттік кірістер басқармасының басшысы Абай Қайрбаев қоғамдық қабылдау өткізді.Қабылдау барысында бірқатар кәсіпкерлер өздерін толғандырған мәселелермен бөлісті. Атап айтқанда, тұтынушылармен жұмыс жүргізу, кәсіпкерлік қызметті қосымша табыс көзі ретінде қарастырып жүрген азаматтармен жүргізілетін жұмыстар бойынша сұрақтар қойылды.
Сондай-ақ келушілердің бірқатары ауданда салық мөлшерлемесінің 4 пайыздан 2 пайызға дейін төмендетілуі шағын және орта бизнес өкілдері үшін үлкен қолдау екенін атап өтіп, қабылданған шешімге ризашылықтарын білдірді.
Өз кезегінде Абай Арғынұлы кәсіпкерлердің барлық сұрақтарына заң аясында нақты жауап беріп, кәсіпкерлік қызметті қолданыстағы заң талаптарына сәйкес жүргізудің маңыздылығына тоқталды. Сонымен қатар алдағы уақытта да мұндай қоғамдық қабылдаулар жалғасын табатынын жеткізді.
#AMANAT
