Кірістер басқармасының басшысы қабылдау өткізді

Бүгін Қазалы ауданы бойынша Мемлекеттік кірістер басқармасының басшысы Абай Қайрбаев партия алаңында қоғамдық қабылдау өткізіп, жеке кәсіпкерлердің бірқатар мәселелерін тыңдады.

Қабылдау барысында келушілердің бірі өз жеке кәсіпкерлігін заңды түрде жабу процесінде қиындықтар туындап отырғанын айтты. Бұл мәселе бойынша басқарма басшысы тиісті мамандарға нақты тапсырма беріп, кәсіпкердің өтініші бақылауға алынатынын жеткізді.

Ал келесі азамат такси қызметі саласындағы жүргізушілердің барлығына бірдей патент алу қажеттігін айтып, осы бағытта кірістер басқармасы тарапынан мониторинг жұмыстары тұрақты жүргізіліп тұрса деген ұсынысын білдірді.

Өз кезегінде Абай Арғынұлы такси қызметіне қатысты зерделеу және бақылау шаралары тұрақты түрде жүргізіліп жатқанын, сондай-ақ бұл жұмыстардың алдағы уақытта да жалғасын табатынын атап өтті.