Доллар тағы арзандады

Қазақстан Республикасы Ұлттық банкінің 23 қаңтарға белгіленген ресми доллар бағамы — 505,71 теңге.

Kurs.kz сайтының дерегіне сәйкес, қазіргі уақытта Алматы қаласындағы айырбастау пункттерінде доллардың орташа сатып алу бағамы 504,09 теңге, сату бағамы — 506,36 теңге. Астанада айырбастау пункттері долларды орта есеппен 503 теңгеден сатып алып, 510 теңгеден сатуда. Шымкент қаласында долларды орташа есеппен 503,66 теңгеден сатып алып, 505,78 теңгеден сатуда.

Еске сала кетейік, күндізгі сауда қорытындысы бойынша 12 қаңтарда доллардың орташа сараланған бағамы 0,24 теңгеге төмендеді, 13 қаңтарда 0,07 теңгеге төмендеді, 14 қаңтарда 0,72 теңгеге өсті, 15 қаңтарда 0,55 теңгеге өсті, 16 қаңтарда 1,05 теңгеге өсті, 19 қаңтарда 2,44 теңгеге төмендеді, 20 қаңтарда 2,42 теңгеге төмендеді, 21 қаңтарда 0,46 теңгеге төмендеді, 22 қаңтарда 0,94 теңгеге төмендеді.