Президент "Қазақстан Республикасындағы банктер және банк қызметі туралы" заңға қол қойды
2026 жылғы 16 қаңтарда Қасым-Жомарт Тоқаев "Қазақстан Республикасындағы банктер және банк қызметі туралы" Заңға қол қойды, деп хабарлайды Zakon.kz.
Аталған ақпаратты Ақорданың баспасөз қызметі жариялады.
"Мемлекет басшысы "Қазақстан Республикасындағы банктер және банк қызметі туралы" Қазақстан Республикасының Заңына қол қойды", – деп жазылған ресми ақпаратта.
Заңның мәтіні баспасөзде жарияланады.
Сонымен қатар, Президент "Қаржы нарығын реттеу мен дамыту, байланыс және банкроттық мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы" Заңға қол қойды.
