Қазақстандықтар мобильді интернет сапасы нашарлағанына шағымданды
Қазақстандықтар мобильді интернет сапасы нашарлағанына шағымданды
Фото: depositphotos.com
Фото: depositphotos.comҚазақстандықтар мобильді интернетке қатысты қиындықтарға тап болды, - деп хабарлайды Tengrinews.kz.
Әлеуметтік желілерде байланыс сапасына қатысты шағымдар тарап жатыр. Әсіресе Алматы тұрғындары интернеттің таңғы уақыттан бастап істемей қалғанын жеткізді.
Tengrinews.kz тілшісі байланыс операторларының баспасөз қызметіне сауал жолдағанымен, материал жарияланған сәтке дейін ресми жауап келмеді.
Ал Kcell/Activ компаниясының call-орталығы интернеттегі ақаулар операторға қатысты емес екенін мәлімдеді.
Компания өкілінің айтуынша, қазіргі уақытта интернет-ресурстарға қолжетімділік шектелгені туралы ақпарат түскен. Бұл мәселе нақты телефон модельдеріне немесе оператордың техникалық ақауына байланысты емес. Абоненттерге мобильді интернеттің қалпына келуін күту ұсынылды.
