5 қаңтарда Қазақстанда қар жауып, көктайғақ болады
Елдің көп бөлігінде боран соғады
Фото: © istockphoto.com
Фото: © istockphoto.com
5 қаңтар, дүйсенбі күні Қазақстан аумағында қолайсыз ауа райы сақталады. «Қазгидромет» синоптиктері елдің басым бөлігінде циклон мен атмосфералық фронттардың әсері жалғасатынын мәлімдеді, деп хабарлайды Azattyq Rýhy.
Циклон әсері әлі де басым
Мамандардың болжамынша, республика аумағының көп бөлігінде қар жауып, боран соғады. Ал батыс және оңтүстік-шығыс өңірлерде жаңбыр мен қар аралас жауын-шашын күтіледі.
Тек оңтүстік пен оңтүстік-батыс аймақтарда жауын-шашынсыз ауа райы болжанып отыр.
Көктайғақ пен тұман қаупі бар
Синоптиктер ел бойынша тұман, көктайғақ және желдің күшеюі мүмкін екенін ескертеді. Мұндай метеожағдайлар жол қозғалысын қиындатып, әсіресе тасжолдарда қауіпті жағдай туғызуы ықтимал.
Мамандар жүргізушілерге сақтық шараларын күшейтіп, ал жаяу жүргіншілерге тайғақта абай болуға кеңес береді.
