Толассыз қар, боран, тұман: демалыс күндеріне арналған ауа райы болжамы жарияланды
Синоптиктердің мәліметі белгілі болды
Фото: istockphoto.com
Фото: istockphoto.com
«Қазгидромет» РМК алдағы демалыс күндеріне арналған ауа райы болжамын жариялады, деп хабарлайды Azattyq Rýhy.
Атмосфералық фронттардың өтуіне байланысты 27 желтоқсанда елдің шығысында, 27-29 желтоқсанда батысында, 29 желтоқсанда солтүстік-батысында, солтүстігінде және орталығында қар, бұрқасын, мұз, желдің күшеюі күтіледі.
Синоптиктердің болжамынша, оңтүстік өңірлерде жауын-шашын (жаңбыр, қар) болады. Толассыз қар 27 желтоқсанда шығыс пен оңтүстік-шығыста, 28 желтоқсанда елдің батысында күтіледі. Республика бойынша тұман болады деп болжанып отыр.
Солтүстік-батыс, солтүстік және орталық аймақтарда температураның көтерілуі күтіледі: түнде -10…-18°C, күндіз -0…-8°C. Шығыста түнде -15…-20°C, күндіз -5…-10°C. Оңтүстік өңірлерде түнде 0…+5°C, таулы аудандарда түнде -5…-10°C, күндіз 5…15°C, таулы аймақтарда -4…-1°C болады деп болжанып отыр.
