Қазақстанда 2025 жылы нәрестелерге қандай есімдер жиі берілді
ҚР Ұлттық статистика бюросының мамандары 26 желтоқсанда қызықты статистика ұсынды. Мамандар жылды қортындылап, 2025 жылы Қазақстанда нәрестелерге қандай есім жиі берілгенін айтып берді, деп хабарлайды Zakon.kz.
Сонымен, 2025 жылы ұлдар арасында Мұхаммед, Алихан, Айсұлтан, Омар және Алдияр есімдері ең танымал болды.
2024 жылмен салыстырғанда ұлдарға қойылған танымал есімдер тізімі өзгеріссіз қалды. Аймақтық тұрғыдан алғанда, ұлдарға ең жиі қойылған есімдер Мұхаммед пен Алан.
2025 жылы дүниеге келген қыздарға көбіне Айлин, Асылым, Медина, Айша және Томирис есімдері берілген. Аймақтарды алып қарасақ, Айлин есімі ең танымал болып шықты, 20 аймақтың 16-да осы есім ең танымал болған.
Биылғы қыздар есімдері арасында да алғашқы бестік былтырғы тізіммен бірдей болып шықты.
Сонымен қатар, осы жылы орыс ұлтының өкілдері арасында ең танымал есімдер Ева мен Мирон болса, өзбек ұлтының өкілдері арасында Мухаммад пен Хадича есімдері тізім басында тұр.
Сурет: stat.gov.kzБұған дейін National Geographic видеосы желіде вирусқа айналғанын жазғанбыз.
