Қазалы ауданында ауыл шаруашылығы жәрмеңкесі өтті
Бүгін аудан орталығы - Әйтеке би кентінде ауыл шаруашылығы өнімдерінің жәрмеңкесі ұйымдастырылды. Аталған шара «Нұршуақ» автобекетінің алаңында өтті. Жәрмеңкенің басты мақсаты – жергілікті тауар өндірушілерді қолдау, тұрғындарды қолжетімді бағадағы сапалы азық-түлік өнімдерімен қамтамасыз ету.Жәрмеңкеге Қазалы ауданынан барлығы 87 тоннаға жуық ауыл шаруашылығы өнімдері шығарылды. Бекітілген кестеге сәйкес, қала, кент және ауылдық округтер мен жергілікті тауар өндірушілерден әрқайсысынан 1 автокөліктен қатыстырылып, барлығы 26 автокөлік жұмылдырылды.
Жәрмеңке барысында тұрғындар тарапынан үлкен сұраныс байқалып, жергілікті өнімдердің сапасына оң бағалар берілді.
