“Орталық Азия – Жапония” саммиті келесі жолы Қазақстанда өтетін болды

20 желтоқсан “Орталық Азия – Жапония” диалогының бірінші саммиті өтті. Енді келесі жолы жиын Қазақстанда өтетін болды. Бұл туралы Stan.kz ақпарат агенттігі хабарлайды.

“Орталық Азия – Жапония” саммитінде Жапония премьер-министрі Санаэ Такаичи, Қырғызстан президенті Садыр Жапаров, Тәжікстан басшысы Эмомали Рахмон, Түрікменстан президенті Сердар Бердімұхамедов және Өзбекстан президенті Шавкат Мирзиёев сөз сөйледі.

“Орталық Азия – Жапония” саммитінің қорытындысы бойынша Токио декларациясы қабылданды. Бұл форматтағы төрағалық енді Қазақстан тарапына өтті.

Орталық Азия мемлекеттері басшылары мен Жапония Премьер-министрі келесі саммиті Қазақстанда өткізуге келісті.

Айта кетейік, бұған дейін Қасым-Жомарт Тоқаев Жапонияға ресми сапармен барып, Токио әуежайында Жапонияның сыртқы істер министрі қарсы алғанын жазған едік. Сапар барысында мемлекет басшысы император Нарухито мен премьер-министр Санаэ Такаичимен кездесіп, "Орталық Азия – Жапония" саммитіне қатысты.