Ми таңнан сергек жұмыс істеу үшін нені білу қажет?

Ми таңнан сергек жұмыс істеу үшін қысқа ақыл-ой жаттығуын жасаған жеткілікті, - деп хабарлайды Massaget.kz UfaTime.ru-ға сілтеме жасап.

Дәрігерлердің айтуынша, күн сайын асықпай орындалатын 5–10 минуттық жаттығулар есте сақтау мен зейінді жақсартып, көңіл күйді көтеруге және когнитив денсаулықты қолдауға көмектеседі. Сол жаттығулардың бірі - "Кері санау": мысалы, 30-дан 1-ге дейін немесе 20-дан 1-ге дейін баяу санау керек, қалаған жағдайда бір санды аттап санауға болады.

Сондай-ақ, мамандар "Үш затты ата" жаттығуын ұсынды: айналаңызға қарап, дауыстап үш затты атаңыз да, бір минуттан кейін сол заттарды қайта еске түсіруге тырысыңыз.

Дәрігерлердің пікірінше, ассоциациялар ойыны да пайдалы: бір сөзді (мысалы, "алма") айтып, оған қатысты үш ассоциация келтіру керек ("тәтті", "қызыл", "бақ"). Сандарды есте сақтауды дамыту үшін біреуден 3–4 сан айтуын сұрап, оларды 30 секундтан немесе 1 минуттан кейін қайталап айтуға болады.

Мамандар зейінге арналған тапсырма да ұсынды: дауыстап оқылған қысқа сөйлемнің ішінен белгілі бір әріпті немесе сөзді тауып шығу.