Инертті материалдар себу жұмыстары жүргізілуде
Бүгін аудан аумағында ауа райының күрт өзгеріп, күннің аязды болып, көктайғақтың пайда болуына байланысты Әйтеке би кентінің тазалығына жауапты мердігер мекемелер күшейтілген режимде жұмыс жүргізуде.Қауіпсіздік шараларын сақтау және көлік қозғалысын қалыпты жағдайда қамтамасыз ету мақсатында арнайы техникалар жұмылдырылып, жолдарға инертті материалдар — құм мен тұз қоспасы себілуде. Аталған жұмыстар кенттегі негізгі көше бағыттарында, әлеуметтік нысандарға апарар жолдар мен көлік ағыны жиі жүретін аумақтарда жүргізілуде.
Инертті материалдар көктайғақтың алдын алуға және жол-көлік оқиғаларының орын алмауына бағытталған. Бұл жұмыстар күннің суық мезгілінде кезең-кезеңімен жалғасатын болады.
Тұрғындардан қозғалыс кезінде барынша сақ болуға, жол ережелерін мұқият сақтауға және төтенше жағдай туындаған жағдайда тиісті мекемелерге жедел хабарласуға шақырамыз.
