Қауіпсіз жол шарасы жүргізілуде
Аудан көлемінде мамырдың 13-19 күндері аралығында «Қауіпсіз жол» жедел-профилактикалық іс-шарасы өткізілуде. Іс-шараның мақсаты – жол-көлік оқиғаларының алдын алу және жол қозғалысы ережелерін өрескел бұзушылықтардың жолын кесу.Шара барысында мас күйінде көлік басқару, жылдамдық режимін, басып озу, қарсы жүріп өту, маневр жасау, қиылыстар мен жаяу жүргіншілер өткелдерінен өту, жолаушылар мен ауыр салмақты жүктерді тасымалдау, қоғамдық көлік жүргізушілерінің рейс алдындағы және медициналық тексеруден өтуі, қауіпсіздік белдіктерін және балаларды ұстайтын құрылғыларды пайдалану қағидаларына ерекше назар аударылатын болады.
Сонымен қатар, ювеналды полиция тобының инспекторларымен ЖПІШ шеңберінде білім беру басқармаларының басшыларын, оқу орындарының директорларын, көліктік бақылау өкілдерін шақырып, балалардың қауіпсіздігін қамтамасыз ету мәселелері мектеп автобустарымен тасымалдау, балалармен ұйымдастырылған колонналар, жарақатының алдын алу бойынша жұмыстар жүргізілуде.
«ҚАЗАЛЫ» ақпарат
