Аяз күшейіп, ауа райы 27-35 градусқа дейін төмендейді

Термометр бағандары солтүстік өңірлерде минус 22-30 градусқа дейін, шығыста минус 27-35 градусқа дейін төмендейді.

Фото: iStock

Жылы күзден кейін қазақстандықтар қыстың алғашқы лебін сезінеді. 9 желтоқсанда солтүстік-батыс және солтүстік өңірлерге суық ауа массаларымен ұштасқан солтүстік антициклон жылдам енеді, – деп хабарлайды Aikyn.kz "Қазгидромет" ақпаратына сәйкес.

Антициклон алдымен еліміздің солтүстік бөлігінде, кейін бүкіл Қазақстан аумағында жауын-шашынның тоқтауын және ауаның күрт суытуын әкеледі. Түнгі уақытта термометр бағандары солтүстік өңірлерде минус 22-30 градусқа дейін, шығыста минус 27-35 градусқа дейін, ал оңтүстік және оңтүстік-шығыста минус 10-20 градусқа дейін төмендейді.