Қазақстанда бірқатар жолда қозғалыс режимі өзгерді
Фото: ҚазАвтоЖол«ҚазАвтоЖол» республикалық автожолдардың кей бағыттарында қозғалыс тәртібі жаңартылғанын хабарлап отыр.
Бірқатар өңірде шектеулер жеңілдетілсе, кей жолдарда қозғалысқа әлі де толық тыйым салынған.
Солтүстік Қазақстан облысындағы «Тимирязево – Сарыкөл – облыс шекарасы» автожолының 0–30 шақырымында (Қостанай облысы шекарасы – Тимирязево ауылы) бұрын енгізілген барлық көлік түріне қозғалысқа тыйым алынды. Енді бұл учаскеде шектеу тек жүк көліктері мен қоғамдық көлікке ғана сақталады.
Павлодар облысында «Астана – Шідерті – Павлодар – Успенка – РФ шекарасы» автожолында (Қалқаман елді мекеніне кіреберіс пен Астанаға шығатын бағыт) барлық көлік түріне уақытша шектеу қойылды.
Альтернативті бағыттар:
Қалқаманнан Астанаға – Береке «Қалқаман – Ақсу» көлік айрығы арқылы (6 км);
Павлодардан Қалқаманға – «Баянауыл» көлік айрығы арқылы.
Осинов асуында тіркемесі бар және жартылай тіркемелі жүк көліктерінің қозғалысы уақытша тоқтатылды. Шектеу «Өскемен – Алтай – Катонқарағай – Рахман қайнары» автожолының 46–66 шақырымында (Северное – Серебрянск) сақталады.
