Бүгін ауа райы қандай болады
Фото: istockphoto.com
«Қазгидромет» РМК 26 қарашаға арналған ауа райы болжамын жариялады, деп хабарлайды JANABASTAU.KZ ақпарат агенттігі.
БҚО, Атырау, Маңғыстау, Ақтөбе
Батыста ауа райы негізінен жауын-шашынсыз. Кей жерлерде тұман, көктайғақ байқалады. Жел солтүстік және солтүстік-батыстан 7-14 м/с, кей аумақтарда 15-20 м/с-қа дейін күшейеді. Түнгі температура -3…+6°, күндіз +5…+15°. Ақтау мен Атырауда күн ашық, Орал мен Ақтөбеде де жауын-шашын жоқ.
Ақмола, Қостанай, СҚО, Павлодар, Қарағанды, Ұлытау
Бұл аймақтарда жаңбыр мен қар түрінде аздаған жауын-шашын байқалады, тұман, көктайғақ, кей жерде төмендігі бұрқасын күтіледі. Жел 9-14 м/с, ал түнде және таңертең 15-23 м/с дейін күшейеді. Түнгі температура -8…+2°, күндіз -1…+8°.
Астанада жауын-шашынсыз, бірақ жел күшейеді; Петропавл, Қостанай, Көкшетау қалаларында күндіз қар аралас жаңбыр жауады.
ШҚО, Абай облысы
Шығыста түнде қар, бұрқасын, көктайғақ, қатты жел күтіледі (20-25 м/с). Тұман түседі. Түнгі температура -18…-3°, күндіз -2…+6°. Өскеменде түнде -5°, Семейде -2°, күндіз 0…+6° аралығында. Ұлытау облысында түнде қар, жел күшейеді, кей жерлерде бұрқасын болуы мүмкін.
Алматы, Жетісу, Түркістан, Жамбыл, Қызылорда
Оңтүстікте күн ашық, жауын-шашынсыз. Таулы аймақтарда тұман байқалады. Жел 5-15 м/с. Түнгі температура -5…+5°, күндіз +13…+21°. Алматы, Қонаев, Талдықорған қалаларында күн ашық әрі жылы. Шымкент, Түркістан, Тараз қалаларында +16…+18°, Қызылордада +14…+16° болады.
