Елена Рыбакина рекорд орнатып, Гиннесс кітабына енді
Эр-Риядта (Сауд Арабиясы) өткен WTA финалдық турниріндегі жеңісі үшін ол 5,235 миллион доллар (2,7 миллиард теңге) көлемінде сыйақы алды.
Ол теннис тарихындағы ең ірі жүлде қоры бойынша рекорд орнатып отыр. Эр-Риядта (Сауд Арабиясы) өткен WTA финалдық турниріндегі жеңісі үшін ол 5,235 миллион доллар (2,7 миллиард теңге) көлемінде сыйақы алды.
Бұл қаражат – теннис тарихында бір турнир үшін спортшыға берілген ең ірі қаржылай сыйлық. Бұған дейінгі рекорд беларусьтік Арина Соболенко мен испан теннисшісі Карлос Алькарасқа тиесілі болған. Олар 2025 жылдың қыркүйегінде АҚШ-тың ашық чемпионатында (US Open) жеңіске жетіп, әрқайсысы 5 миллион доллар табыс тапқан еді.
Айта кеткен жөн, бұл Рыбакинаның Гиннесс рекордтар кітабындағы алғашқы жетістігі емес. Бұған дейін ол 2024 жылы Аустралия ашық чемпионатында Анна Блинковаға қарсы өткен матчта "Үлкен дулыға" турнирлері тарихындағы ең ұзақ тай-брейкке (22:20) қатысып, тағы бір рекорд орнатқан еді.
Жалпы алғанда, 26 жастағы Елена Рыбакина WTA турнирлерінде жекелей сында 11 титул жеңіп алып, мансабында 24,438 миллион доллар табыс тапты.
