Қайтарылған активтер: бір өңірге қомақты қаржы бөлінді
Фото: depositphotos.comБатыс Қазақстан облысында 27 жобаны іске қосуға Арнаулы мемлекеттік қордан 17,7 млрд теңге бөлінді, - деп хабарлайды Massaget.kz.
Жүзеге асырылып жатқан жобалардың ішінде 11 сумен қамту жобасы бар.
"16 жоба ауылды жерлерде алғашқы медициналық-санитариялық көмекті дамытуға бағытталған. Олардың қатарында Сырым, Ақжайық, Бөрлі, Жаңақала және Бәйтерек аудандарындағы фельдшер-акушер пункттері, амбулаториялар мен медициналық пункттер құрылысы бар", - деп жазылған хабарламада.
Қазір Батыс Қазақстан облысында 15 жоба толық аяқталған. Жыл соңына дейін тағы 10 нысан пайдалануға беріледі, ал қалған екеуін 2026 жылы аяқтау жоспарланып отыр.
