"Ауыл аманаты" жобасының мүмкіндіктері түсіндірілді
Бүгін партияның аудандық филиалында «Ауыл аманаты» жобасын түсіндіруге арналған арнайы қабылдау өтті. Оған «Атамекен» кәсіпкерлер палатасының аудандық филиалының директоры Маржан Ким және аудандық кәсіпкерлік және өнеркәсіп бөлімінің бас маманы Ғалымжан Нағашыбаев қатысты.
Қабылдау барысында кәсіп бастауға ниетті азамат ауыл шаруашылығын дамыту мен 2,5 пайыздық несие рәсімдеу мәселелері бойынша кеңес алды. Сондай-ақ кепілзатқа қойылатын талаптар мен жобаларды ұсынуға болатын негізгі бағыттар жөнінде сұрақтар қойды.
Әр сауалға нақты жауап беріліп, түсіндірме жұмыстары жүргізілді.
