Президент жасанды интеллектіні енгізу кезінде қауіп-қатерлерге назар аударуды ескертті

Қазақстанда жасанды интеллект университеті ашылады

Фото: Ақорда

Мемлекет басшысы Қасым-Жомарт Тоқаев білім беру саласына жасанды интеллектіні кеңінен енгізу барысында оның мүмкіндіктерімен қатар, тәуекелдерін де ұмытпау керектігін айтты, деп хабарлайды Azattyq Rýhy.

Президенттің сөзінше, ЖИ оқушылардың сыни ойлау қабілетін төмендетіп, академиялық адалдыққа қауіп төндіруі мүмкін. Сондықтан Үкіметке осы бағытта кешенді шаралар қабылдауды тапсырды.

Сонымен бірге Тоқаев еңбек нарығының жылдам өзгеріп жатқанын атап өтті. Автоматтандырудың әсерінен кейбір мамандықтар ескіріп, жұмыссыздық қаупі туындайтынын айтты. Бұл жағдай әлеуметтік теңсіздіктің артуына алып келуі ықтимал. Алайда ЖИ мүмкіндіктерін дұрыс пайдаланса, ол жаңа жұмыс орындарын ашуға, мамандарды қайта даярлауға және кәсіби біліктілікті арттыруға жол ашады. Осы мақсатта Үкіметке жасанды интеллект негізінде әзірленген ұлттық онлайн-платформаны іске қосу тапсырылды.

Президент сөзінің қорытындысында еліміздің цифрлық стратегиясында ұлт мүддесі бірінші орында тұратынын атап өтті. Жасанды интеллект цифрлық экономиканың басты қозғаушы күші болғандықтан, Кеңестің келесі отырысын осы тақырыпқа арнауды ұсынды.