Ауыл ақсақалдары сайлауда белсенділік көрсетті

Қ.Пірімов ауылындағы №81 сайлау учаскесіне ауылдың құрметті ақсақалдары келіп, аудан әкімінің сайлауында өз таңдауын жасады. Ақсақалдар сайлауға қатысу — азаматтық борыш екенін айтып, елдің жарқын болашағы үшін ең дұрыс шешімді қабылдау маңызды екенін ерекше атап өтті.

Олар сайлаушыларға сәттілік тілеп, тыныштық пен тұрақтылықтың негізі — сайлаудағы әрбір дауыстың маңызы зор екенін айтты. Ақсақалдар өздерінің үлгісімен жастарды да белсенділік танытып, сайлауға қатысуға шақырды.

Сайлау комиссиясы ауыл ақсақалдарына алғысын білдіріп, жылы лебіздерін қабыл алды. Учаскеде дауыс беру тәртібі толық қамтамасыз етіліп, сайлау процесі жоғары деңгейде өтіп жатыр.

#МенДауысБеремін

#Ауданүшінтаңдаужасадым

#Сайлауғабардым