Бішкекте жер сілкінді
Тұрғындар 4 баллдық жер сілкінісін сезген.
Фото: pixabay.comАл, Қырғыз Республикасымен шекаралас жатқан Қордай ауданында жер сілкініп, дүмпудің күші 2 баллға жеткен. Бұл туралы ҚР ТЖМ хабарлады, деп жазады inbusiness.kz сайты.
Төтенше жағдайлар министрлігінің "Сейсмологиялық зерттеулер институты" хабарлағандай, Жамбыл облысы Қордай ауданында жер дүмпуі Астана уақытымен 12:57-де тіркелген.
"Жер сілкінісінің ошағы Алматы қаласынан 187 шақырым жерде, Қырғызстан аумағында орналасқан. Жамбыл облысы Қордай ауданында күші 2 балл болды", – деп хабарлады ТЖМ баспасөз қызметі.
Әзірге, зілзаладан зардап шеккендер мен қираған ғимараттар туралы ақпарат жоқ.
