Аймақтық ақындар мүшәйрасы өтті

Шараны республикалық деңгейдегі байқаулардың жеңімпазы, қазақ эстрадасындағы бірнеше танымал әндердің авторы, жас ақын Ақжол Түменбай жүргізді. Ақындар аламанын әділ бағалап, өнер иелеріне төрелік еткен – №190 мектеп директорының орынбасары Нұрлан Көпжасарұлы мен Қазақстан Журналистер одағының мүшесі Махамбет Жеткербай болды.

Мүшәйраға Қармақшы, Сырдария аудандары мен ауданға қарасты ауылдардан 11 ақын қатысып, батыр бабаға арнаған жырларын тебірене оқыды. Сөз маржанын теріп, додаға түскен ақындар арасында:

Бас жүлде – Абай ауылынан келген арқалы ақын Махашов Әлиханның еншісіне бұйырды.

І орын – Лахалы ауылынан қатысқан жас талант Әділбекова Нұрасыл иеленсе,

ІІ орын –Ғ.Мұратбаев ауылынан Ермекқызы Нәзияға табысталды.

ІІІ орын – Қос ақынға бұйырып, Қармақшы ауданынан келген Мөлдір Тәңірбергенова мен Аралдық Айгүл Кузенова марапат биігінен көрінді.

Шараға белсене қатысып, жүлделі орындар алған жас ақындарға қаржылай сыйлықтар және дипломмен марапатталды.