Психологиялық тегін кеңес берілді
2025 жылғы 6 тамызда аудандық Отбасын қолдау орталығында өмірдің қиын жағдайларындағы балалар мен жасөспірімдерге, олардың ата-аналарына (заңды өкілдеріне), отбасы мүшелеріне психологиялық қолдау білдіру мақсатында консультациялық кеңес беру шарасы ұйымдастырылды.Психологиялық кеңес беру шарасын халықаралық деңгейдегі медиа-тренер, өңірлік психологиялық кеңесші, ЮНИСЕФ жобаларының тренері, тәжірибелі психолог, «KAUSSAR KOLDAU» мекемесінің жетекшісі, «Психолог мекені» клубының негізін қалаушы Бисенова Жания Жоямергенқызы жүргізді.
Жеке қабылдауға келуші 8 адам тәжірибелі маманнан қажетті кеңестерін алып, ұйымдастырушыларға ризашылықтарын білдірді.
Отбасын қолдау орталығы мекемесі атынан Жания Жоямергенқызының алдағы жұмыстарына сәттілік тілеп, шынайы алғысымызды білдіреміз.
#Қазалы
#Кеңес
#Психолог
