Қырғызстанда Цифрлық кодекс қабылданды
Қырғыз Республикасының Президенті Садыр Жапаров Цифрлық кодекске қол қойды, деп хабарлайды Kazinform.
Фото: Freepik.comАталған құжат адамның және азаматтың цифрлық кеңістіктегі құқықтары мен бостандықтарын қорғау мен іске асыруға, Қырғыз Республикасында цифрлық экономиканы дамытуға, сондай-ақ елдің инвестициялық тартымдылығын арттыруға қолайлы құқықтық жағдай жасау мақсатында қабылданған.
Кодексте мынадай негізгі ережелер көзделген:
цифрлық ортадағы құқықтық реттеудің негіздері;
цифрлық ортада мемлекеттік реттеу туралы ережелер;
цифрлық ортада арнайы реттеу тәртібі;
цифрлық орта субъектілерінің өзара әрекет ету тәртібі;
цифрлық ортадағы құқықтық қатынастардың субъектілері мен объектілері туралы ережелер;
цифрлық ортадағы құқықтық қатынастардың туындау, өзгеру, тоқтатылу негіздері;
цифрлық және жеке деректерді өңдеу тәртібі;
цифрлық қызметтер, телекоммуникациялық қызметтер, цифрлық технологиялық жүйелер туралы ережелер;
телекоммуникациялық желілер туралы ережелер;
цифрлық технологиялық жүйе иелерінің өзара әрекет ету тәртібі;
жасанды интеллект жүйелері туралы ережелер;
цифрлық ортадағы қатынастардың үздіксіздігін қамтамасыз ету тәртібі және т.б.
Цифрлық кодекс ресми жарияланған күннен бастап алты ай өткен соң күшіне енеді.
Бұған дейін Қырғызстанда ет бағасына мемлекеттік реттеу енгізілді.
