Футболдан олжалы оралды
Әлемдегі қандайда болмасын мемлекет беделі, ел абройы – оның спорттағы, әсіресе футболдағы жестістіктерімен тығыз байланысты екені рас. Оны қазіргі таңдағы ақпараттар легінен анық аңғаруға болады. Сондықтан көптеген мемлекеттер спортты, әсіресе футболды жанжақты дамытуға аса көңіл бөледі. Ал біздің елдегі футболдың тыныс-тіршілігі де жаман емес. Футбол командалары түрлі сайыста бақ сынап, жүлделі оралып жүр.
Жақында бір аптаға жуық уақытқа созылған облыс біріншілігі өтті. Қызылорда қаласында футболдан өткен балалар-жасөспірімдер спорт мектептерінің 2012-2013 жылдары туылған оқушылары арасында өткен облыс біріншілігінде Қазалы спорт мектебінің футбол бөлімшесінің спортшылары 2-орынды қанжығасына байлап, жүлделі оралды.
Сала мамандары футбол бөлімшесінің спортшыларын және жаттықтырушылары Дәуренбек Тәжібетов пен Жарасхан Байниязовты жеңістерімен құттықтай отырып, алда өтетін жарыстарына сәттілік тілейді.
Айнұр ӘЛИ
