"Қарлан" көпірінің құрылысы қарқын алды
Биыл Қазалы ауданындағы бірнеше жылдан бері құрылыс жұмыстары тоқтап қалған «Қарлан» көпірінің құрылысы аймақ абсшысының қолдауымен қайта басталды. Бүгінде мердігер мекеме «НұрлыТау ЛТД» ЖШС тарапынан көпір құрылысы қарқынды жүргізілуде. Құрылыс жұмыстары келер жылдың аяғына дейін толықтай аяқталады деп жоспарлануда. Қарлаң көпірі пайдалануға берілгеннен кейін Сырдария өзенінің арғыбетіндегі Өркендеу, Бірлік, Қожабақы, Аранды, Бозкөл, Тасөткел, Лақалы, Ажар, Тасарық және Кәукей елді мекеніндегі 12 мыңға жуық халықтың алыс-берісі артып, жол қатынасы жақсара түспек.
