Кезек күттірмейтін мәселе көтерілді
Жуырда Қазалы ауданының әкімдігі жанындағы терроризмге қарсы комиссияның кезектен тыс отырысы өтті. Комиссия отырысына терроризмге қарсы облыстық комиссияның мүшелері мен құзырлы органдардың басшылары, құқық қорғау саласының жауапты тұлғалары, сондай-ақ сала мамандары қатысты.Маңызды жиынға аудан әкімінің орынбасары Жалғас Сүйеубаев төрағалық етіп, жүргізіп отырды. Комиссияның белгіленген жұмыс жоспарына сәйкес, күн тәртібінде аудандағы террористік тұрғыдан осал объектілердің терроризмге қарсы қорғалуы мен ұлттық, саяси және діни экстремизм тәуекелдерін алдын алу мәселелер қаралды.
Бұған байланысты Қазалы ауданының полиция бөлімі мен Қазалы ауданының қоғамдық даму бөлімінің жауапты мамандары хабарлама жасап, атқарылған жұмыстар мен алда тұрған міндеттер талқыланды. Сонымен бірге сын пікірлер тыңдалып, салалық мекемелерге күн тәртібінде қаралған мәселелерге байланысты тапсырмалар берілді.
Аудан әкімінің орынбасары Жалғас Оңғарұлы мәселенің маңыздылығына тоқталып, ұсыныстар мен пікірлер ескерілетінін жеткізіп, жауаптыларға нақты тапсырма жүктеді.
"ҚАЗАЛЫ" ақпарат
