Жапонияда әжелерді бір сағатқа жалға алу қызметі іске қосылды
Фото: elements.envato.comЖапонияда әжелерді 1 сағатқа жалдау жүйесі іске қосылды, - деп хабарлайды Massaget.kz 24kz-ке сілтеме жасап.
Оларға үй шарушылығында көмекке жүгінуге болады. Бұған тамақ пісіру, бала күтімі тағы басқа қарапайым шаруалар кіреді. Мұндай қызмет құны сағатына 3 мың йеннен, яғни, 10 мың теңгеден басталады.
Жүйеге 60 жастан 94-ке дейінгі жүздеген әйел тіркелген. Олар үй шаруасына бейімділігі, өмір тәжірибесі мен білімі жағынан іріктелген. Азиялық басылымдардың жазуына қарағанда, зейнет жасына шыққан жапон әжейлері осылай табыс тауып жүр.
Ресми дерекке сүйенсек, бұл елде жұмыс істеп жүрген 9 миллионнан астам қарт кісі бар.
