Қазалыда сенбілік жұмыстары жалғасуда
Қазалыда әр сенбі сайын өткізілетін көркейту-көгалдандыру, санитарлық-тазалық жұмыстары бүгінде барлық кент, қала және ауылдық округ аумақтарында жалғасуда.Бүгінгі сенбілік барысында аудан орталығы – Әйтеке би кентіндегі Сабырбаев, Біржан сал, Пірімов, Жаңқожа батыр көшесі, және Молдағұлова, М.Шоқай, көшелерінің бойынша шөптерді шабу, қоқыстарды теру жұмыстары жүргізілді.
Сонымен қатар аталған көшелердің бойындағы электр бағаналарын ақтау, сырлау жұмыстары да жасалды.
Тазалық жұмыстары барысында жиналған қоқыстардың барлығы техникалардың көмегімен арнайы қоқыс төгетін орындарға шығарылды.
Аудан орталығындағы 7 аймақ бойынша ұйымдастырылған тазалық жұмыстарын аудан әкімі Мейрамбек Шермағанбет аралап көріп, әрбір аймақтың тазалығы бойынша жауаптыларға бірқатар тапсырмалар берді.
