Бас жүлде – Қазалыда
Жақында Астана қаласындағы №98 «Мирас» балабақшасында мектепке дейінгі ұйымдардың педагогтеріне арналған республикалық байқау өтті. Оған аудандағы №11 «Балапан» бөбекжай-бақшасының білікті маманы, шығармашыл педагог Әйгерім Өтепберген қатысып, бас жүлдені қанжығасына байлады.– Бұл жеңіс – үздік педагогикалық тәжірибенің, тынымсыз еңбектің, білім мен іскерліктің жемісі. Байқаудың басты мақсаты – заманауи әдіс-тәсілдер арқылы мектепке дейінгі білім беру сапасын арттырып, озық тәжірибелерді анықтау және ел көлемінде тарату.
Әйгерім Тілеубайқызы өз ісіне деген сүйіспеншілігі мен жоғары кәсіби шеберлігінің арқасында қазылар алқасының зор сеніміне ие болып, республикалық деңгейде Қазалы ауданының абыройын асқақтата білді. Еңбегіңіздің жемісі баянды болсын! – дейді Әйгерімнің ұжымдастары.
Айнұр ӘЛИ
