Қазалы Qazaly.kz ақпараттық агенттігі
» » Сырдарияда су деңгейі көтерілді

Сырдарияда су деңгейі көтерілді

ҚЫЗЫЛОРДА. ҚазАқпарат - Сырдария өзенінде су деңгейі көтерілді. Қазірде су басу қаупінің алдын алу мақсатында ПМК-29 аумағын бекіту жұмыстары жүргізілуде, деп хабарлады ҚазАқпарат тілшісі. Кеше өзен арнасындағы мұз кептелістері салдарынан су деңгейі көтеріліп,           Сырдария өзенінің ескі арнасы толып, ПМК-29 саяжайының ішкі каналына көп мөлшерде су ағуынан тұрғын жайдың ауласына су жайылған. Жалпы, ПМК-29 саяжайы өзен арнасындағы су деңгейі жоғарылау кезінде су жайылатын аймақ болғандықтан тұрғындарға алдын ала ескертпе хаттар таратылған. Саяжайда барлығы 36 тұрақжай бар. Оның ішінде адамдардың қысы-жазы тұрақты тұрып жатқаны - 2 отбасы. «Осыған байланысты бекітілген жауапты мекемелердің арнайы техникаларын (6 жүк көлігі, 1 трактор, 1 экскаватор) жұмылдыра отырып, су жайылудың алдын-алу мақсатында топырақпен бекіту жұмыстары жүргізілуде. Саяжайды су басу қаупі туындаған жағдайда алдын алуға жұмылдырылатын барлық күштер мен құралдар дайын», - деді облыстық жұмылдыру дайындығы басқармасының басшысы Серік Сермағамбетов.
28 желтоқсан 2017 ж. 1 428 0

Жаңалықтар мұрағаты

«    Шілде 2024    »
ДсСсСрБсЖмСбЖс
1234567
891011121314
15161718192021
22232425262728
293031