Микронесиесі көп қазақстандықтар қарыздарын біріктіруге мүмкіндік алмақ
Фото: Stan.kzҚазақстанда микронесиесі көп қазақстандықтарға барлық қарызын біріктіру мүмкіндігі ұсынылуы ықтимал. Бұл туралы Stan.kz ақпарат агенттігі 31 арнаның Информбюро жаңалықтар қызметіне сілтеме жасап хабарлайды.
Енді борышкер жүктемесін жеңілдете алады. Сондай-ақ қаржы ұйымдары қиын жағдайға тап болған қарыз алушыға жаңа төлем кестесін беруге міндеттелуі мүмкін.
Демек, тұтынушы мен микроқаржы ұйымы ымыраға келіп, қарызды қайта құрылымдауға тиіс. Сәйкесінше, бір емес, бірнеше ұйым алдында мерзімі өткен қарызы бар азаматтар борыштарын біріктіруге өтініш беріп, төлем кестесін жаңартады. Не өтеу мерзімін ұзартып, өзіне ыңғайлы төлем шарттарын алуға құқылы.
Қазір қаржы нарығын реттеу агенттігі әзірлеген құжат ашық талқылауға шығарылды. Яғни, шешім де осы талқылаудың нәтижесіне қарай қабылданады.
