Құрылыс саласына қатысты өтініштер тыңдалды
Бүгін партияның аудандық филиалының Қоғамдық қабылдау бөлмесінде аудандық құрылыс, сәулет және қала құрылысы бөлімінің басшысы Айдан Ниязов тұрғындарды жеке мәселелері бойынша қабылдады.
Кездесу барысында тұрғындар тарапынан әлеуметтік осал топтағы отбасыларға арналған жаңа тұрғын үйлердің салыну жоспары, Әйтеке би кентіндегі соңғы жылдарда жаңадан ашылған аумақтардың көшелерінің жолдары мен инженерлік инфрақұрылыммен қамтамасыз етілу мәселелері жайында айтылды.
Бөлім басшысы тұрғындар қойған әр сауалға нақты жауап беріп, түсіндірме жасады. Сондай-ақ жол және инфрақұрылым жұмыстарының жоспарлы түрде, кезең-кезеңімен жүзеге асырылып жатқанын жеткізді.
#AMANAT
