АУДАН ӘКІМІНІҢ ОРЫНБАСАРЫ ТҰРҒЫНДАРДЫҢ ТАЛАП-ТІЛЕГІН ТЫҢДАДЫ
Бүгін аудан әкімінің орынбасары Жалғас Сүйеубаев партия филиалының қоғамдық қабылдау бөлмесінің жұмыс жоспарына сәйкес тұрғындарды қабылдап, олардың мәселелерін тыңдады.Жеке қабылдауда бірнеше мәселе көтерілді. Алғаш болып келген азаматша бұған дейін Жалғас Оңғарұлының уақытша баспанаға орналастыруға көрсеткен көмегі үшін алғысын білдіріп, енді тұрақты баспана алу мәселесімен жүгінді.
Келесі өтініш білдірушілер «Дипломмен ауылға» бағдарламасы аясында тұрғын үймен қамту және субсидия алу жөніндегі мәселелерін көтерді.
Өз кезегінде, аудан әкімінің орынбасары тұрғын үй мәселесімен жүгінген екі азаматшаға да тұрғын үй тек кезектілік тәртібімен берілетінін атап өтті. Ал қожалық жеріне бақша егу және сол жерге субсидия алу жөнінде өтініш білдірген азаматқа тиісті сала өкілдерімен бірге заң аясында түсіндірме жұмыстарын жүргізді.
#AMANAT
