Тағзым мен тағылым
2025 жылдың 9 мамырында Қазалы ауданындағы Тағзым алаңында Тәжік-Ауған шекарасындағы соғыста қаза тапқан қазалылықтарды еске алуға арналған тағылымды шара өткізілді.
Шара барысында ерлікпен қаза тапқан жауынгерлердің рухына тағзым етіліп, олардың ерліктері еске алынды. Іс-шараға аудан басшылары, қоғамдық ұйымдар, ардагерлер, сондай-ақ қаза тапқан жауынгерлердің отбасы мүшелері қатысты.
Аталған іс-шара Қазалы аудандық Қоғамдық даму бөлімінің мемлекеттік әлеуметтік тапсырысы аясында «Асыл мұра – Орда» қоғамдық қорының ұйымдастыруымен жүзеге асырылды. Іс-шараның басты мақсаты – Отан қорғаушылардың ерлігін ұлықтау және қаза тапқан жауынгерлердің есімдерін ұмытпау.
Іс-шара соңында Тәжік-Ауған шекарасындағы соғыста қаза тапқан жауынгерлердің құрметіне арнайы ас берілді. Ас беру рәсімі аудан орталығындағы үлкен асханада ұйымдастырылып, онда жауынгерлердің рухына Құран бағышталды.
