Жұрт Джей Лоның Астанадағы концертіне билет ала алмай әлек
NewTimes.kzpenalty.kz Дженнифер Лопестің концертіне билет сатылымы жарияланған сәтте сайт адам нөпіріне шыдай алмай істен шыққан.
1 тамызда Астанада өтетін Дженнифер Лопестің концерті нағыз мегашоуға айналатынына еш күмән жоқ. Жұма күнгі таңертеңгі билет сатылымы бұл пікірді дәлелдеді. Алғашқы минуттарда-ақ 50 мыңнан астам адам сайтқа лап қойып, билет алуға тырысты. Бұл – "Астана Арена" сыйымдылығынан екі жарым есе көп көрсеткіш. Бұл туралы Qumash телеграм-арнасы хабарлады.
Онлайн-платформа нөпірге шыдай алмады
Күтпеген жүктемеге шыдамаған билет сататын сайт бірнеше минутта жұмыс істей қалған. Техникалық мамандар виртуалды кезек жүйесін шұғыл іске қосып, пайдаланушыларды браузерді жаппай, кезек күтуге шақырған. Себебі браузердегі терезе жабылса – кезектің соңына қайта тұру қажет болады.
Қазіргі уақытта қолжетімді ең арзан билеттердің құны 140 000 теңгеден басталып отыр. VIP-аймақтар мен ортаңғы секторлар әлдеқашан сатылып кеткен. Бұл сома кейбір ҚПЛ матчтарының жылдық абонементінен де қымбат.
Стадион – шоуға ма, спортқа па?
Естеріңізде болса, бұған дейін дәл осы шоу "Астана Аренада" өтетін Конференциялар лигасы ойындарына әсер етуі мүмкін екені айтылған еді. Қос тараптың мүддесі тоғысқан осы бір кезең – отандық инфрақұрылымның дайындық деңгейін де сынап жатыр.
