Әуежайдағы кепілге алу оқиғасы: Мұса Әбдірайым құтқарылған қызбен кездесті
Фото Instagram/Musa AbdraimovАлматы әуежайында кепілге алынған қызды құтқарған қазақстандық Мұса Әбдірайым құтқарылған қызбен кездесті, - деп хабарлайды Tengrinews.kz тілшісі. Бұл туралы ол өзінің Instagram-парақшасында жазды.
"Кешегі әуежайда болған жағдайды бәріңіз көрген боларсыздар, бүгін қарындасымыздың жағдайын біліп қайттық, Аллаһқа шүкір бәрі жақсы, көрер күніміз жақсылық болсын ағайын!!!" – деп жазды Мұса Әдірайым.
Сондай-ақ, ол қыздың отбасымен түскен бірнеше кадрларды жариялады.
Қыздың әкесі құтқарушымен байланысқа шығып, оны қонаққа шақырған. Әуежай қызметкері Ботагөздің кішкентай қызы бар екені белгілі болды.Қыздың ата-анасы Мұса Әбдірайымға қыздарын құтқарғаны үшін алғыс айтты.
