2025 жылғы пітір садақа мөлшері белгіленді
Биыл қасиетті Рамазан айы 1 наурызда басталып, 30 наурызда аяқталады.Қазақстан мұсылмандары діни басқармасының Шариғат және пәтуа бөлімі Түркі мемлекеттері ұйымына қарасты мүфтилер алқасы жанындағы пәтуа кеңесімен ақылдаса келе, биылғы Рамазан айы басталатын күнді бекітті.
Ортақ пәтуаға сәйкес, қасиетті Рамазан айы 1 наурызда басталады. Ал наурыз айының 26-нан 27-не қараған түн – қасиетті Қадір түні. 30 наурыз – Ораза айт мерекесі.
Сондай-ақ бүгін Бас мүфти Наурызбай қажы Тағанұлының төрағалығымен өткен Қазақстан мұсылмандары діни басқармасының төралқа мәжілісінде пітір садақасы еліміз бойынша екі келі ұнның орташа бағасы негізінде 655 теңге болып бекітілген.
Өзіңізге қажетті облыс, қала, аудан және ауылдың (барлығы 6000 елді мекен) ораза және намаз кестесін жоғары сапада pdf форматта muftyat.kz сайтынан мына сілтеме бойынша жүктеп алуға болады.
Ақпарат көзі: turkystan.kz.
Фото: Нұрболат Нұржаубай
Пікір 3