Кәукей ауылында 100 орындық ауылдық клуб құрылысы аяқталды
2024 жыл аймақ басшысының бастамасымен «Алаштың анасы» атанған қасиетті Сыр өңірінде «Руханият жылын» жарияланды.Айтулы жыл көлемінде ауданда түрлі ұлттық мәдениетті ілгерілетуге және дәстүрлерді жаңғыртуға, салауатты өмір салтын насихаттауға бағытталған түрлі форматтағы 1798 іс-шара өткізілді.
Қазан айының соңғы он күндігінде қазалылықтар елдің тұтастығын, береке-бірлігін, ынтымағын ту етіп көтерген тарихи тұлғалар Әйтеке бидің 380 жылдығы мен Жанқожа Нұрмұхаммедұлының 250 жылдық мерейтойын кең көлемде атап өтті. Мерейтой аясында аймақ басшысы Нұрлыбек Машбекұлының қатысуымен ғылыми-танымдық конференциялар өтіп, бірқатар әлеуметтік нысандар аудан халқының игілігіне пайдалануға берілді.
Руханият жылы аясында Кәукей ауылында 100 орындық ауылдық клуб құрылысы толықтай аяқталып, ауыл халқының игілігіне пайдалануға берілді.
©Қазалы ауданы әкімінің баспасөз қызметі
