"Нұр Отан" партиясы Қазалы аудандық филиалының ұйымдастырумен "Көлік және байланыс қызметкерлері күні" мерекесіне орай мерекелік кездесу болып өтті. Мерекелік кездесуді аудандық партия филиалы төрағасының бірінші орынбасары Мәмбетжан Қасқырбек Өмірзақұлы ашып, жүргізіп,теміржолшыларды мерейлі мерекелерімен құттықтады.

"Құрметті теміржолшылар, Сіздерді төл мерекелеріңізбен шын жүректен құттықтаймын! Болат жолда тер төгіп жүрген азаматтар тәуліктің 24 сағатында кірпік қақпастан қозғалыс қауіпсіздігін еңсеруде – қыстық аязында, жаздың аптап ыстығында еңбек етеді.Бүгінде елімізде көлік логистикасының дамуына елеулі жұмыстар жүргізілуде. Бұл бағытта «ҚТЖ» ҰК» АҚ-ының атқарып жатқан жұмыстары көп. Оның қатарында еліміздегі жаңа құрылысы жүрген болат жолдың елімізде тасымалдау көлемінің артуына қосар үлесі мол болмақ"-деді Қасқырбек Өмірзақұлы. Салтанатты кездесуде теміржол саласында тынбай еңбек еткен бірқатар теміржолшылар аудандық партия филиалының алғыс хатымен марапатталды.