“Қалаулымның“ экс-қатысушысы 7 жылға сотталды
"Қалаулым" бағдарламасына қатысып танылған Бердах Бекетов Қаңтардағы тәртіпсіздікке қатысқаны үшін сотталды, - деп хабарлайды Massaget.kz тілшісі.
Сот оны бірнеше бап бойынша кінәлі деп танып, 7 жылға бас бостандығынан айырды.
Бердах Бекетовке Қаңтар оқиғасы кезінде "жаппай тәртіпсіздіктерді ұйымдастырды" деген айып тағылды. Полиция оны 2022 жылғы 22 қаңтарда көшеде ұстаған еді.
Еске салайық, бұған дейін сот Қайрат Құдайбергенді 8 жылға бас бостандығынан айырғанын жазған едік.
Сот сонымен қатар Қаңтар оқиғасы бойынша Дикий Арман лақап атымен танымал Арман Жұмагелдиевке де үкім шығарды.
Ал Ұлттық қауіпсіздік комитеті бесінші департаментінің бұрынғы басшысы Руслан Ысқақов 15 жыл алты айға бас бостандығынан айырылды.
