Димаш Құдайберген тағы бір марапатқа ие болды
Фото: instagram.com/kudaibergenov.dimash
Димаш Құдайберген "Жылдың Мәдениет қайраткері" номинациясын жеңіп алды, - деп хабарлайды Massaget.kz тілшісі.
16 қаңтарда Астанада "Халықтың сүйіктісі - 2024" ұлттық сыйлығының марапаттары салтанатты түрде табысталды.
Димаш Құдайберген бұл марапатты төртінші рет иеленіп отыр. Ол 2023 жылы "Халықтың сүйіктісі" сыйлығының үш дүркін иегері ретінде арнайы номинациямен марапатталған болатын.
Салтанатты кеш барысында әнші халыққа алғысын білдірді:
"Халқыма, қымбатты жерлестеріме менің шығармашылығыма ерекше ден қойып, құрметпен қарағаны үшін үлкен ризашылығымды білдіріп, алғысымды айтамын. Көп рақмет, достар!
Бүгін "Халықтың сүйіктісі" сыйлығын алған барлық үміткерді құттықтаймын. Баршаңызға амандық пен береке тілеймін. Біздің бастамаларымызға қолдау танытқан әрбіріңізге мол табыстар тілеймін", - деді ол.
Еске салайық, бұған дейін Димаш Құдайберген тағы бір атаққа ие болғаны хабарланған болатын.
