Қазалы Qazaly.kz ақпараттық агенттігі
» » Қазақстандағы мобильді аударымдарды бақылау: Тамара Дүйсенова айыппұлдарға қатысты мәлімдеме жасады

Қазақстандағы мобильді аударымдарды бақылау: Тамара Дүйсенова айыппұлдарға қатысты мәлімдеме жасады

Премьер-министрдің орынбасары Тамара Дүйсенова еліміздегі мобильді аударымдарды бақылауға қатысты сұраққа жауап берді. Оның айтуынша, қаржы министрлігімен әлі талқылау жұмыстары жүргізіліп жатыр. Бұл туралы Stan.kz ақпарат агенттігі хабарлайды.
Фото: Freepik

Үкімет отырысынан кейін өткен баспасөз конференциясында вице-премьерге заңсыз кәсіпкерлікпен тіркеусіз айналысқаны үшін салынатын айыппұлдар жайлы сұрақ қойылды. Әсіресе, 255 мың теңгеден асатын мобильді аударымдарды бақылау туралы норма қабылданған жағдайда не болады деп сұрақ қойды.

"Бұл норма әлі түпкілікті бекітілген жоқ. Қазір оны біздің сала мамандары қарастырып жатыр, тиісті мемлекеттік органдар жұмыс істеп жатыр. Біз осы мәселе бойынша Қаржы министрлігіне өз пікірімізді айтуды жоспарлап отырмыз. Біздің жұмыс тобымыз әлі жұмыс істеп жатқандықтан біраз күту керек. Бұл мәселе негізінде бірыңғай ұстаным әзірлеу үшін мамандардан тұратын кеңесші топ жұмыс істеп жатыр. Алдын ала қандай ұстаным болатынын нақты айта алмаймын. Бірақ бұл мәселе талқылау кезеңінде", – деп жауап берді Тамара Дүйсенова.

Айта кетейік, бұған дейін қаржы министрлігінің мемлекеттік кірістер комитеті Қазақстанда 255 мың теңгеден асатын мобильді аударымдарды бақылауға алу жоспарланып отырғанын мәлімдеген еді. Сонымен қатар комитет өкілдері тексеру критерийлерінің өзгеруі мүмкін екенін атап өтті. Бұл түзету қазір Ұлттық банктің қарауында.

"Бір жеке тұлғаның банк шотына қатарынан 3 ай ішінде 100 және одан да көп түрлі тұлғалардан жалпы сомасы 3 айлық жалақы мөлшерінен, яғни 225 мың теңгеден, асатын аударым қабылдаған тұлғаны тексеруді енгізу қарастырады", – деп хабарлады мемлекеттік кірістер комитеті.

Қазір банктер үш ай бойы 100-ден астам түрлі тұлғадан аударым алған қазақстандықтар туралы мәліметтерді салық органдарына беруге міндетті. Қолданыстағы ережелерге сәйкес бұл азаматтың заңсыз кәсіпкерлікпен айналысып, тауар немесе қызмет үшін ақы алып отырғанын болжамдауға негіз болады.

Еске салайық, бұған дейін заңға сәйкес кәсіпкерлік қызметпен тіркеусіз айналысатын барлық жеке тұлғалар жазаланатынын жаздық. Айыппұл 15 АЕК (2024 ж. 55 380 теңге), бір жыл ішінде қайталап бұзу 30 АЕК (110 760 теңге) мөлшерінде. Қазақстанда мобильді аударым арқылы қанша кәсіпкердің салықтан жалтарғаны әзірге белгісіз. Мемлекеттік кірістер комитеті бұл ақпаратты банктерден 2025 жылы алатынын атап өтті.
08 қаңтар 2025 ж. 90 0

Ауданда ахуал тұрақты

20 сәуір 2025 ж. 122

ОТБАСЫ ҚҰНДЫЛЫҒЫ

19 сәуір 2025 ж. 125

Ерліктің ерен үлгісі

19 сәуір 2025 ж. 118

Руханият

Мен өмірді қалаймын

Мен өмірді қалаймын

08 қараша 2024 ж.
Мен өмірді қалаймын.

Мен өмірді қалаймын.

08 қараша 2024 ж.
Мен өмірді қалаймын

Мен өмірді қалаймын

07 қараша 2024 ж.
Мен  өмірді қалаймын!

Мен өмірді қалаймын!

07 қараша 2024 ж.
Мен өмірді қалаймын

Мен өмірді қалаймын

04 қараша 2024 ж.

Жаңалықтар мұрағаты

«    Сәуір 2025    »
ДсСсСрБсЖмСбЖс
 123456
78910111213
14151617181920
21222324252627
282930