Қар, бұрқасын, жел: Қазақстан солтүстік-батыс циклонының ықпалында болады
Фото: pixabay.com"Қазгидромет" Қазақстандағы алдағы күндерге арналған ауа райы болжамын ұсынды, - деп хабарлайды Massaget.kz.
Синоптиктер 21 желтоқсаннан бастап Қазақстан аумағының басым бөлігінде солтүстік-батыс циклонының ықпалы болатынын хабарлады. Яғни қар жауып, бұрқасын тұрып, екпіні күшті жел соғатыны күтіліп отыр.
Тек республиканың батысында 23 желтоқсанда жауын-шашын (жаңбыр, қар) жауып, көктайғақ болады.
21 желтоқсанда күндіз Павлодар облысында, 22 желтоқсанда Шығыс Қазақстан облысында қалың қар жауады.
23 желтоқсанға таяу батыс антициклонының ауысуымен еліміздің оңтүстігінде негізінен жауын-шашынсыз ауа райы күтіледі.
Температураның әсерінен күрт өзгерістер күтіліп отырған жоқ.
Еске салайық, бұған дейін синоптиктер 21 желтоқсанда елдің 17 өңірінде қолайсыз ауа райына байланысты ескерту жасаған болатын.
