Мәжілісте қаржы игеру мәселесі қаралды
Бүгін аудан әкімі Мейрамбек Шермағанбеттің төрағалығымен өткен мәжілісте 2024 жылдың 11 айындағы ауданның әлеуметтік-экономикалық дамуы мен бюджеттің атқарылуы мәселесі қаралды.
«Ауданның әлеуметтік-экономикалық дамуы өңіріміздің негізгі көрсеткіші болып табылады. Жылдың аяқталуына санаулы күндер ғана қалды. Сондықтан, жыл соңына дейін барлық сала бойынша белгіленген межелеріміз толық орындалуы қажет. Соның ішінде өңдеу өнеркәсібіне қатысты көрсеткіштер мен барлық макрокөрсеткіш бойынша өсімге қол жеткізу керек», – деді аудан әкімі.
Мәжілісте аудан басшысы 2024 жылға жоспарланған барлық қаражатты толығымен игеру жөнінде бюджеттік бағдарлама әкімшілеріне қатаң тапсырма жүктеді. Соған сәйкес аудан басшысы бюджеттің игерілуіне қатысты берілген тапсырмалардың орындалуын жауапты орынбасарына бақылауға алуды тапсырды.
Мәжіліс соңында аудан әкімі күн тәртібінен бөлек бірнеше өзекті мәселелерге тоқталып, тиісті бөлім басшылары мен округ әкімдеріне бірқатар тапсырмалар берді.
