Тәтті сусындардың бағасы қаншалықты қымбаттауы мүмкін екені айтылды
Фото: ВикисловарьДенсаулық сақтау бірінші вице-министрі Тимур Сұлтанғазиев тәтті және газдалған сусындарға енгізілетін акцизге қатысты пікір білдірді, деп хабарлайды inbusiness.kz сайты.
"2026 жылға дейін денсаулық сақтау жүйесін дамыту концепциясы бекітілген болатын. Соның шеңберінде тәтті сусындарға салық салу көзделген. Біз Дүниежүзілік банкпен бірге сол салықтың түрін экономикалық жағынан зерттеп жатырмыз. Сәйкесінше ұсынымдарымызды әзірлеп, оны Қаржы және Ұлттық экономика министрліктеріне жолдадық. Қазір орталық органдармен талқыланып жатыр", - деді вице-министр Сенат кулуарында.
ДСМ өкілі акциздің нақты сомасы біртіндеп көтерілетінін жеткізді.
"Ұсыным бойынша шамамен 100 теңге. (...) Дүниежүзілік банкпен бірге жасаған модельдеу бойынша расымен де тәтті сусындардың сатуы азаяды. Алайда таза суды сату 40 пайызға дейін жоғарылайды", - деді вице-министр.
Спикер 1 литрге 100 теңге қосылуы мүмкін екенін айтты. Тимур Сұлтанғазиевтің сөзінше, бұл норма әзір тек талқыланып жатыр.
