Жылжымалы емханалар шалғай ауылдардағы 1,3 млн адамға медициналық көмек көрсетті
© Photo : Денсаулық сақтау министрлігіБиылғы қаңтар-қыркүйек айлары аралығында жылжымалы медициналық кешен мамандары 3072 елді мекенде тұратын 1,3 млн адамға медициналық көмек көрсетті, деп хабарлады Денсаулық сақтау министрлігі.
Жылжымалы кешендер арқылы 656 мың диагностикалық зерттеу, 332,8 мың зертханалық зерттеу жүргізілді, бейінді мамандар 1,3 млн рет консультация берді.
"Тексеру және зерттеп-қарау барысында 95 мың пациенттің әртүрлі ауруларға шалдыққаны анықталды, оның 78,3%-ы ересектер, 21,7%-ы балалар. Профилактикалық тексерудің қорытындысы бойынша 33,7 мың ауыл тұрғыны динамикалық бақылауға алынды", - деп жазылған хабарламада.
© Photo : Денсаулық сақтау министрлігіАкушер-гинеколог, стоматолог сияқты бейінді дәрігерлер консультациялық қабылдау өткізді. Ультрадыбыстық, ЭКГ, ЭхоКГ аппараттарының көмегімен скринингтік, зертханалық, рентгенологиялық және диагностикалық зерттеулер жүргізіледі.
Жылжымалы медициналық кешендер үйге жақын жерде медициналық көмек алуға мүмкіндік береді, бұл әсіресе қарт адамдар мен балалы отбасылар үшін өте маңызды.
