Тәуелсіздікті ту етемін

Қазалы қаласындағы #17 орта мектебінде “Біртұтас тәрбие” бағдарламасының аясында 3-4, 5-7 сынып оқушыларының қатысуымен “Тәуелсіздікті ту етемін!” тақырыбында ақындар айтысы ұйымдастырылды. Оқушылардың айтыс өнеріне деген қызығушылығын арттыру мақсатында өткен айтысқа қатысқан оқушылар белсенділік танытты.

Жас ақындар Тәуелсіз қазақ елін жүрекжарды жырларына арқау етті. Егемен елдің бүгіні мен келешегін, дамуы мен өркендеуін  әсем әнмен әрледі.

№17 орта мектептің қосымша білім беру маманы А.Маңғұтованың ұйымдастыруымен “Біртұтас тәрбие” бағдарламасының аясында өткен айтысқа 3-4, 5-7 сынып оқушылары қатысты.Айтыста бақ сынаған алты  жұпта шеберліктерімен көзге түсіп, айтыс өнерінің өміршеңдігін тағы бір мәрте тыңдарманға паш етті.

Оқушылардың айтыс өнеріне деген қызығушылығын арттыруға бағытталған айтулы шараның жас өренге берері көп болды. Сайыс нәтижесінде барлық қатысушы арнайы алғыс хатпен марапатталды.

Балнұр РАХАТҚЫЗЫ